«Ռոմայի» վստահ հաղթանակը (տեսանյութ)

Իտալիայի առաջնության 32-րդ տուրում «Ռոման» հյուրընկալվեց հետնապահներից «Բրեշիային» եւ առավելության հասավ 3։0 հաշվով։

48-րդ րոպեին հանդիպման հաշիվը բացեց «Ռոմայի» արգենտինացի պաշտպան Ֆեդերիկո Ֆասիոն, 62-րդ րոպեին իսպանացի հարձակվող Կառլես Սայոլի փոխանցումից հետո հյուրերի առավելությունը կրկնապատկեց խորվաթ հարձակվող Նիկոլա Կալինիչը։ 74-րդ րոպեին հաշիվը 3։0 դարձրեց իտալացի կիսապաշտպան Նիկոլո Ձանյոլոն։ Գոլային փոխանցումը կատարեց արգենտինացի հարձակվող Դիեգո Պերոտին։

Հայաստանի հավաքականի եւ «Ռոմայի» կիսապաշտպան Հենրիխ Մխիթարյանը դեղին քարտերի պատճառով որակազրկված էր մեկ խաղով եւ չմասնակցեց այս հանդիպմանը։

«Ռոման» 54 միավորով 5-րդ տեղում է, «Բրեշիան» նախավերջինն է՝ 21 միավոր։

Իտալիայի առաջնություն, 32-րդ տուր

«Բրեշիա» - «Ռոմա»՝ 0։3 (տեսանյութ)

Ֆեդերիկո Ֆասիո, 48, Նիկոլա Կալինիչ, 62, Նիկոլո Ձանյոլո, 74