«Լիվերպուլի» լեգենդը «Մանչեսթեր Յունայթեդին» կոչ է արել վաճառել Դե Խեային
15:49 11 հուլիսի, 2020Անգլիական «Լիվերպուլի» լեգենդար պաշտպան Ջեյմի Կարագերը կարծում է, որ «Մանչեսթեր Յունայթեդի» անհաջողությունների գլխավոր պատճառը թիմի իսպանացի դարպասապահ Դավիդ Դե Խեան է:
Կարագերը խորհուրդ է տվել մանչեսթերյան ակումբի ղեկավարությանն ընթացիկ տրանսֆերային պատուհանի ընթացքում վաճառել Դե Խեային և նոր դարպասապահ գնել:
«Դավիդ Դե Խեան կայուն դարպասապահ չէ: Եթե նա վատ մարզավիճակում է գտնվում, ապա այդ շրջանը շատ երկար է տևում: Վստահ եմ, որ Դե Խեան այլևս չի կարող ցույց տալ այն բարձրակարգ խաղը, որը տեսնում էինք նրա կատարմամբ մի քանի տարի առաջ:
«Մանչեսթեր Յունայթեդը» պետք է վաճառի Դե Խեային և այլ դարպասապահ ձեռք բերի»,- Կարագերի խոսքը փոխանցում է The Telegraph-ը:
Ավելի վաղ Դավիդ Դե Խեայի մրցելույթներից դժգոհություն էր հայտնել նաև «Մանչեսթեր Յունայթեդի» նախկին ֆուտբոլիստ Ռոյ Քինը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։