Անգլիայի Պրեմյեր լիգայի ղեկավարությունը կարծիք է հայտնել մրցաշարի 34-րդ տուրում VAR-ի ընդունած վիճահարույց որոշումների վերաբերյալ:
Ըստ Պրեմյեր լիգայի՝ «Աստոն Վիլա» - «Մանչեսթեր Յունայթեդ» խաղում VAR համակարգը չպետք է 11 մետրանոց հարված նշանակեր «Աստոն Վիլայի» դարպասին, քանի որ վիճահարույց դրվագում կանոնները խախտում են ոչ թե պորտուգալացի կիսապաշտպան Բրունու Ֆերնանդեշի դեմ պայքարում, այլ հենց Ֆերնանդեշն է ոտքով հարվածում մրցակցի պաշտպանին:
VAR-ի հաջորդ սխալը տեղի է ունեցել «Բորնմութ» - «Տոտենհեմ» հանդիպման ընթացքում: Պրեմյեր լիգան կարծում է, որ խաղային դրվագներից մեկում պետք է 11 մետրանոց հարված նշանակվեր «Բորնմութի» դարպասին, երբ խաղի կանոնները խախտվել էր Հարի Քեյնի դեմ պայքարում:
Երրորդ սխալը գրանցվել է «Էվերտոն» - «Սաութհեմփթոն» հանդիպման ընթացքում: Պրեմյեր լիգայի կարծիքով՝ «Էվերտոնի» դարպասին սխալմամբ է նշանակվել 11 մետրանոց հարված:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։