Չեմպիոնների լիգայի 1/8 եզրափակիչի պատասխան հանդիպումները չեն անցկացվի չեզոք ստադիոններում
22:15 9 հուլիսի, 2020ՈւԵՖԱ-ի ղեկավարությունը քննարկել է Չեմպիոնների լիգայի ընթացիկ մրցաշրջանն ավարտելու համար ստեղծված նոր ձևաչափը փոփոխությունների ենթարկելու հնարավորությունը:
Որոշում է ընդունվել կորոնավիրուսի պանդեմիայի պատճառով դադարեցված 1/8 եզրափակիչի պատասխան հանդիպումներն անցկացնել ոչ թե չեզոք ստադիոններում, ինչպես նախապես որոշել էր ՈւԵՖԱ-ն, այլ այն ստադիոններում, որտեղ պետք է տեղի ունենային հանդիպումները:
Քառորդ եզրափակիչից սկսած զույգերը կանցկացնեն մեկական հանդիպում չեզոք խաղադաշտում։
Չեմպիոնների լիգայի եզրափակիչ փուլը 8 թիմերի մասնակցությամբ կանցկացվի օգոստոսի 12-23-ը Պորտուգալիայի մայրաքաղաք Լիսաբոնում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։