«Ռեալի» հարձակվողը կորոնավիրուսի 2 թեստ է հանձնել
18:08 9 հուլիսի, 2020Մադրիդի «Ռեալի» բրազիլացի հարձակվող Վինիսիուս Ժունիորը կորոնավիրուսի թեստ է հանձնել: Այս մասին հայտարարել է Արքայական ակումբի գլխավոր մարզիչ Զինեդին Զիդանը:
«Վինիսիուսը կորոնավիրուսի թեստ է հանձնել, սակայն թեստի հետ կապված խնդիրներ են առաջացել: Նա երկրորդ թեստն է հանձնել, և մենք հիմա սպասում ենք թեստի պատասխանին:
Հուսով եմ, որ Վինիսիուսի մոտ կորոնավիրուս չի հայտնաբերվի և նա կկարողանա օգնել մեզ առաջիկա խաղերում»,- Զիդանի խոսքը փոխանցում է Marca-ն:
Հիշեցնենք, որ «Ռեալն» իր հաջորդ հանդիպումը կանցկացնի հուլիսի 10-ին Երևանի ժամանակով 23:55-ին: Արքայական ակումբի մրցակիցը կլինի «Ալավեսը»:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։