Ֆոնսեկա․ Գոհ եմ հաղթանակից, բայց կարող էինք 3-4 գոլ խփել

14:51   9 հուլիսի, 2020

«Ռոմայի» պորտուգալացի գլխավոր մարզիչ Պաուլու Ֆոնսեկան մեկնաբանել է 2։1 հաշվով հաղթանակը «Պարմայի» նկատմամբ Իտալիայի առաջնության 31-րդ տուրի տնային խաղում։

«Կարեւոր էր հաղթել այս խաղում։ Ես գոհ եմ հաղթանակից, սակայն հաշվից դժգոհ եմ, քանի որ կարող էինք 3-4 գոլ խփել։ Այդ դեպքում, մինչեւ վերջին վայրկյանը լարվածության մեջ չէինք լինի։

Գոհ եմ տղաների արձագանքից բաց թողած գոլին։ Դիավարան ավելի շատ միացավ պաշտպանության եւ հարձակողական գործողությունների հնարավորություն տվեց Վերետուին, որը ավելի շատ ազատություն ստացավ եւ գոլ խփեց։ Նա գերազանց մարզավիճակում է։

Պետք է մեծ հավակնություններով ավարտին հասցնել մրցաշրջանը։ Այս հաղթանակն անօգուտ կլինի, եթե պարտվենք հաջորդ խաղում»,- Ֆոնսեկայի խոսքը մեջբերում է gazetta.it-ը։

Հիշեցնենք, որ «Պարմայի» դեմ խաղում գոլի եւ գոլային փոխանցման հեղինակ է դարձել Հայաստանի հավաքականի կիսապաշտպան Հենրիխ Մխիթարյանը։

«Ռոման» 51 միավորով 5-րդն է եւ գոլերի տարբերությամբ է գերազանցում նույնքան միավոր ունեցող «Նապոլիին»։ 

Իտալիայի առաջնության 32-րդ տուրում «Ռոման» հուլիսի 11-ին կհյուրընկալվի «Բրեշիային»։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։