«Մանչեսթեր Յունայթեդի» նորվեգացի գլխավոր մարզիչ Ուլե-Գունար Սուլշերը գնահատել է իր ղեկավարած թիմի արդյունքներն ու հնարավորությունները Պրեմյեր լիգայում։
«Եթե կարողանանք հաղթել մնացած հանդիպումներում, առաջնությունը կավարտենք լավագույն քառյակում։ Մենք չենք կարող ապավինել մրցակիցների անհաջողություններին։ Պետք է ինքներս հասնենք արդյունքի եւ հաջորդ մրցաշրջանում լինենք Չեմպիոնների լիգայում։
16 անընդմեջ խաղում պարտություն չկրելը հաղորդում է վստահություն, բայց դա չէ նպատակը, որին պետք է ձգտենք։ Մենք ավելի լավ արդյունքի հնարավորություն կունենանք, եթե լինենք կենտրոնացած»,- Սուլշերի խոսքը մեջբերում է BBC-ն։
«Մանչեսթեր Յունայթեդը» 33 խաղից հետո 55 միավորով 5-րդ տեղում է եւ 4 միավոր հետ է 34 հանդիպում անցկացրած «Լեսթեր Սիթիից»։
Պրեմյեր լիգայի մնացած խաղերում «Մանչեսթեր Սիթին» կմրցի «Աստոն Վիլայի», «Սաութհեմփթոնի», «Քրիսթալ Փելասի», «Վեստ Հեմի» եւ «Լեսթեր Սիթիի» հետ։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։