«Վերդերն» ու «Բավարիան» շնորհակալություն են հայտնել կարիերան ավարտած 41-ամյա Կլաուդիո Պիսարոյին
20:58 8 հուլիսի, 2020Գերմանիայի չեմպիոն Մյունխենի «Բավարիան» շնորհակալություն է հայտնել Բրեմենի «Վերդերի» 41-ամյա խաղացող Կլաուդիո Պիսարոյին, որը հայտարարել է կարիերան ավարտելու մասին։
Պիսարոն «Բավարիայում» հանդես է եկել 2001-2007 եւ 2012-2015 թվականներին։ Մյունխենյան ակումբի հետ պերուացի ֆուտբոլիստը նվաճել է 17 տիտղոս, անցկացրել 327 հանդիպում, խփել 125 գոլ։
Պիսարոյին շնորհակալություն է հայտնել նաեւ «Վերդերը», որի կազմում կարիերան նա սկսել էր 1999 թվականին։ 2001-ին նա տեղափոխվել է «Բավարիա», 2007-2008-ին խաղացել է «Չելսիում», ապա վերադարձել «Վերդեր»։ Երրորդ անգամ նա «Վերդերին» միացել է 2015-ին, մեկ մրցաշրջան «Քյոլնում» անցկացնելուց հետո վերադարձել էր բրեմենյան թիմ, որի բոլոր ժամանակների լավագույն ռմբարկուն է՝ 153 գոլ։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։