Միլանի «Ինտերը», Մադրիդի «Աթլետիկոն» ու կատալոնական «Բարսելոնան» հետաքրքրված են Լոնդոնի «Արսենալի» 21-ամյա ֆրանսիացի կիսապաշտպան Մատեո Գենդուզիի ծառայություններով, հաղորդում է L'Equipe-ը։ Երեք ակումբների ներկայացուցիչներն էլ արդեն բանակցել են «Արսենալի» հետ։
Գենդուզին լարված հարաբերություններ ունի թիմի իսպանացի գլխավոր մարզիչ Միկել Արտետայի հետ, որը հեռացրել էր նրան ընդհանուր խմբի մարզումներից։
Գենդուզիի պայմանագիրն «Արսենալի» հետ նախատեսված է մինչեւ 2022թ․ հունիս։ Ընթացիկ մրցաշրջանում նա մասնակցել է 34 հանդիպման, կատարել 3 գոլային փոխանցում։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։