«Ռեալը» կրկին կփորձի ձեռք բերել Պոգբային

10:50   8 հուլիսի, 2020

Մադրիդի «Ռեալն» ընթացիկ տրանսֆերային պատուհանի ընթացքում կփորձի համաձայնության գալ անգլիական «Մանչեսթեր Յունայթեդի» և Ֆրանսիայի ազգային հավաքականի կիսապաշտպան Պոլ Պոգբայի տեղափոխության հարցում, տեղեկացնում է Daily Mail-ը:

«Ռեալը» որոշել է հրաժարվել ֆրանսիական «Ռենի» 17-ամյա կիսապաշտպան Էդուարդ Կամավինգային ձեռք բերելու մտքից, քանի որ Արքայական ակումբը պատրաստ չէ ֆուտբոլիստի դիմաց վճարել «Ռենի» պահանջած հրաժարագինը:

«Ռեալը» Պոլ Պոգբային ձեռք բերելու փորձ կատարել էր նաև 2019 թվականի ամռանը, սակայն կողմերը չէին կարողացել համաձայնության հասնել:

Պոլ Պոգբայի պայմանագիրը «Մանչեսթեր Յունայթեդի» հետ նախատեսված է մինչև 2021 թվականի հունիս: 

Պոգբան «Յուվենտուսում» հանդես է եկել 2012-2016 թվականներին։ «Մանչեսթեր Յունայթեդը» նրա համար վճարել է 105 միլիոն եվրո։



© 2020 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։