«Բորուսիան» Սանչոյի տրանսֆերի համար 120 միլիոն եվրո է պահանջել «Մանչեսթեր Յունայթեդից»
21:15 7 հուլիսի, 2020Դորտմունդի «Բորուսիան» պատրաստ է վաճառել Անգլիայի հավաքականի 20-ամյա կիսապաշտպան Ջեյդոն Սանչոյին «Մանչեսթեր Յունայթեդին», սակայն անգլիական ակումբից պահանջել է 120 միլիոն եվրո, հաղորդում է Bild-ը։ «Մանչեսթեր Յունայթեդը» Ջեյդոն Սանչոյի համար առաջարկել էր 50 միլիոն ֆունտ ստերլինգ։
«Բորուսիան» նաեւ ցանկանում է գործարքն ավարտել մինչեւ օգոստոսի 10-ը, որպեսզի ստացած գումարով հասցնի համալրել թիմը նոր խաղացողներով մինչեւ տրանսֆերային պատուհանի փակվելը։
Ջեյդոն Սանչոյի պայմանագիրը գերմանական ակումբի հետ նախատեսված է մինչեւ 2022թ․ հունիս։
Ավարտված մրցաշրջանում Սանչոն «Բորուսիայի» հետ մասնակցել է 44 հանդիպման, խփել 20 գոլ, կատարել նույնքան գոլային փոխանցում։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։