«Բարսելոնայի» ղեկավարությունը մտադիր է նոր պայմանագրով կրճատել թիմի առաջատար Լիոնել Մեսիի աշխատավարձը, հաղորդում է El Chiringuito-ն։ Մինչեւ 2021թ․ հունիսի 30-ը ֆուտբոլիստը կստանա գործող պայմանագրով ամբողջ աշխատավարձը, իսկ նոր պայմանագիր կնքելու դեպքում՝ նվազեցված վարձատրություն։
Կատալոնական ակումբի նախագահ Ժոզեպ Բարտոմեուն հայտնել է արգենտինացի ֆուտբոլիստին ակումբի մտադրության մասին եւ չի ստացել հավանություն։ «Բարսելոնան» ցանկանում է երկարաձգել պայմանագիրը մինչեւ 2023 թվականը։ Մեսիի որոշման մասին տեղեկություն չկա։
Ընթացիկ մրցաշրջանում 33-ամյա ֆուտբոլիստը «Բարսելոնայի» հետ մասնակցել է 38 հանդիպման, խփել 27 գոլ, կատարել 24 գոլային փոխանցում։
Իսպանական մամուլը գրել էր, որ Մեսին ցանկանում է հաջորդ տարի հեռանալ Կատալոնիայից։ «Բարսելոնայի» նախագահը պատասխանել էր, թե Մեսին մտադիր է կարիերան ավարտել կատալոնական ակումբում։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։