Անգլիական «Մանչեսթեր Յունայթեդի» գլխավոր մարզիչ Ուլե-Գունար Սուլշերը խոսել է թիմի անգլիացի հարձակվող Մեյսոն Գրինվուդի մասին:
«Ուրախ եմ, որ Գրինվուդը հանդիսանում է «Մանչեսթեր Յունայթեդի» ֆուտբոլիստ: Շատ դժվար է այդ տարիքում հանդիսանալ առաջին թիմի ֆուտբոլիստ և պայքարել մեկնարկային կազմում հայտնվելու համար:
Ինձ դուր է գալիս Մեյսոնի խաղաոճը: Նա ունի այնպիսի որակներ, որոնք բացակայում են շատ առաջատար ֆուտբոլիստների մոտ:
Կարծում եմ, որ Գրինվուդը պետք է հրավեր ստանա նաև Անգլիայի հավաքականից: Նա շատ հեռանկարային հարձակվող է»,- Սուլշերի խոսքը փոխանցում է Sky Sports-ը:
Գրինվուդի պայմանագիրը «Մանչեսթեր Յունայթեդի» հետ նախատեսված է մինչև 2023 թվականի հունիս:
Նշենք, որ 18-ամյա Մեյսոն Գրինվուդն ընթացիկ մրցաշրջանում բոլոր ակումբային մրցաշարերում մասնակցել է 43 հանդիպման, խփել 17 գոլ, կատարել 5 գոլային փոխանցում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։