Marca. «Ռեալը» նոր ձեռքբերումներ չի ունենա ամռանը
20:10 6 հուլիսի, 2020Մադրիդի «Ռեալը» կորոնավիրուսի պանդեմիայի հետևանքով առաջացած ֆինանսական դժվարությունների պատճառով հրաժարվել է ընթացիկ տրանսֆերային պատուհանի ընթացքում նոր ֆուտբոլիստներ ձեռք բերելու մտքից, տեղեկացնում է Marca-ն:
Արքայական ակումբի ղեկավարությանը թիմի անձնակազմի աշխատավարձերը վճարելու և այլ ծախսեր հոգալու համար հարկավոր է շուրջ 200 միլիոն եվրո, որն ակումբը մտադիր է ստանալ թիմի մի քանի ֆուտբոլիստի վաճառքից:
Նշվում է, որ «Ռեալը» հրաժեշտ կտա Գարեթ Բեյլին, Մարիանո Դիասին, Բրահիմ Դիասին, Խամես Ռոդրիգեսին և Դանիել Սեբալյոսին:
Ավելի վաղ հայտնի էր դարձել, որ «Ռեալը» ֆրանսիական ՊՍԺ-ի հարձակվող Կիլիան Մբապեին ձեռք բերելու նպատակով բանակցություններ որոշել է սկսել 2021 թվականին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։