«Բարսելոնան» խնդիրներ չունեցավ՝ 4։1 (տեսանյութ)

01:53   6 հուլիսի, 2020

Իսպանիայի առաջնության 34-րդ տուրում չեմպիոն «Բարսելոնան» մրցակցից խաղադաշտում հանդիպեց «Վիլյառեալի» հետ։ Իսպանացի Էնրիկե Սետիենի գլխավորած թիմը վստահ հաղթանակ տարավ 4։1 հաշվով։

Հանդիպման հաշիվը բացվեց արդեն երրորդ րոպեին, ինքնագոլի հեղինակ դարձավ դաշտի տերերի իսպանացի պաշտպան Պաու Տորեսը։ 14-րդ րոպեին «Վիլյառեալը» իսպանացի հարձակվող Ժերար Մորենոյի գոլի շնորհիվ հավասարեցրեց հաշիվը, սակայն հետագայում երեք գոլ բաց թողեց։ Ուրուգվայցի Լուիս Սուարեսը, ֆրանսիացի Անտուան Գրիզմանը եւ Իսպանիան ներկայացնող Անսու Ֆատին գրավեցին մրցակցի դարպասը։ Երկու գոլային փոխանցում կատարեց արգենտինացի Լիոնել Մեսին, որի գոլը խաղից դուրս վիճակի պատճառով չգրանցվեց։

«Բարսելոնան» 73 միավորով երկրորդ տեղում է եւ առաջատար «Ռեալից» հետ է 4 միավոր։ «Վիլյառեալը» 5-րդն է՝ 54 միավոր։

Իսպանիայի առաջնություն, 34-րդ տուր

«Վիլյառեալ» - «Բարսելոնա»՝ 1։4 (տեսանյութ)

Ժերար Մորենո, 14 - Պաու Տորես, 3, ինքնագոլ, Լուիս Սուարես, 20, Անտուան Գրիզման, 45, Անսու Ֆատի, 86



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։