«Բոլոնիայի» կամային հաղթանակը «Ինտերի» նկատմամբ (տեսանյութ)

21:11   5 հուլիսի, 2020

Իտալիայի առաջնության 30-րդ տուրում «Բոլոնիան» հյուրընկալվեց Միլանի «Ինտերին» եւ կամային հաղթանակ տարավ 2։1 հաշվով։

22-րդ րոպեին հանդիպման հաշիվը բացեց «Ինտերի» բելգիացի հարձակվող հարձակվող Ռոմելու Լուկակուն։ 57-րդ րոպեին «Բոլոնիան» մնաց 10 ֆուտբոլիստներով։ Կարմիր քարտ ստացավ իտալացի կիսապաշտպան Ռոբերտո Սորիանոն։

62-րդ րոպեին «Ինտերից» 11 մետրանոցը չկարողացավ արդյունավետ իրացնել արգենտինացի հարձակվող Լաուտարո Մարտինեսը։

74-րդ րոպեին հյուրերը գամբիացի կիսապաշտպան Մուսա Ջուվարայի գոլի շնորհիվ վերականգնեցին հավասարությունը, իսկ 77-րդ րոպեին թիմերը հավասարվեցին նաեւ խաղացողների քանակով։ Երկրորդ դեղին քարտը ստացավ եւ հեռացվեց «Ինտերի» իտալացի պաշտպան Ալեսանդրո Բաստոնին։

Դրանից 3 րոպե անց «Բոլոնիան» խփեց նաեւ երկրորդ գոլը։ Աչքի ընկավ գամբիացի հարձակվող Մուսա Բերոուն։

«Ինտերը» 64 միավորով երրորդ տեղում է, «Բոլոնիան» 9-րդն է՝ 41 միավոր։

Իտալիայի առաջնություն, 30-րդ տուր

«Ինտեր» - «Բոլոնիա»՝ 1։2 (տեսանյութ)

Ռոմելու Լուկակու, 22 - Մուսա Ջուվարա, 74, Մուսա Բերոու, 80

Չիրացրած 11մ՝ Լաուտարո Մարտինես («Ինտեր»), 62

Հեռացումներ՝ Ալեսանդրո Բաստոնի («Ինտեր»), 77, երկրորդ դեղին քարտ -  Ռոբերտո Սորիանո («Բոլոնիա»), 57



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։