Իսպանիայի առաջնության 34-րդ տուրում Մադրիդի «Ռեալը» Բիլբաոյում մրցեց «Աթլետիկի» հետ։ Ֆրանսիացի Զինեդին Զիդանի գլխավորած թիմն առավելության հասավ նվազագույն հաշվով։
73-րդ րոպեին բրազիլացի պաշտպան Մարսելոյի վաստակած 11 մետրանոցն արդյունավետ իրացրեց Արքայական թիմի ավագ, իսպանացի պաշտպան Սերխիո Ռամոսը, որի գոլի շնորհիվ «Ռեալը» նվազագույն հաշվով հաղթել էր նաեւ անցած տուրում «Խետաֆեին»։
«Ռեալը» 77 միավորով գլխավորում է մրցաշարային աղյուսակը եւ մեկ հանդիպում քիչ անցկացրած «Բարսելոնայի» նկատմամբ ունի 7 միավորի առավելություն։ Կատալոնական թիմը հուլիսի 5-ին կհյուրընկալվի «Վիլյառեալին»։ «Աթլետիկը» 48 միավորով 8-րդ տեղում է։
Առաջնության ավարտին մնացել է չորս տուր։
Իսպանիայի առաջնություն, 34-րդ տուր
«Աթլետիկ Բիլբաո» - «Ռեալ Մադրիդ»՝ 0։1 (տեսանյութ)
Սերխիո Ռամոս, 73, 11մ
¡Se mantienen las tablas en San Mamés!
— Real Madrid C.F. (@realmadrid) July 5, 2020
¡Buscaremos abrir el marcador tras la reanudación!#RMLiga | #AthleticRealMadrid pic.twitter.com/2P27NL1IWV
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։