«Լոռիի» հիմնադիր Թովմաս Գրիգորյանի մոտ կորոնավիրուս չի հայտնաբերվել
13:08 4 հուլիսի, 2020Վանաձորի «Լոռի» ՖԱ-ի նախագահ Թովմաս Գրիգորյանի մոտ կորոնավիրուս չի հայտնաբերվել: Բացասական է եղել նաև Գրիգորյանի երկրորդ թեստի պատասխանը, տեղեկացնում է «Լոռիի» մամուլի ծառայությունը:
«Հարգելի ֆուտբոլասերներ, ֆուտբոլային ընտանիքի ներկայացուցիչներ.
Ուրախ ենք տեղեկացնել, որ այսօր առավոտյան հայտնի դարձավ «Լոռի» ՖԱ հիմնադիր նախագահ Թովմաս Գրիգորյանի COVID-19 երկրորդ թեստի արդյունքը։ Այն բացասական է!!! Այս պահին Թովմաս Գրիգորյանը հիվանդանոցում է և երկկողմանի թոքաբորբի ինտենսիվ թերապիա է անցնում։
«Լոռի» ՖԱ-ն և անձամբ Թ.Գրիգորյանը շնորհակալություն են հայտնում ֆուտբոլասերներից և ֆուտբոլային ընտանիքի ներկայացուցիչներից հազարավոր հեռախոսազանգերի և հաղորդագրությունների համար»,- ասված է «Լոռիի» մամուլի ծառայության տարածած հայտարարության մեջ:
Հիշեցնենք, որ Թովմաս Գրիգորյանը հոսպիտալացվել էր հուլիսի 1-ին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։