Միհրան Հարությունյան. Ցավում եմ, որ նման լավ մարդն այսքան շուտ հեռացավ մեզնից

Հունահռոմեական ըմբշամարտի օլիմպիական փոխչեմպիոն, MMA մարտիկ Միհրան Հարությունյանը նոր հրապարակում է կատարել Ինստագրամի իր պաշտոնական էջում՝ ցավակցություն հայտնելով խառը մենամարտերի թեթև քաշային կարգում չեմպիոն, ռուսաստանցի Խաբիբ Նուրմագոմեդովի հոր՝ Աբդուլմանապ Նուրմագոմեդովի անժամանակ մահվան կապակցությամբ:

«Աբդուլմանապ Մագոմեդովիչն իր ազգի իսկական նվիրյալն էր, մեծ սիրտ ունեցող հայր և իմաստուն, որը միշտ կարևոր խորհուրդներ էր տալիս ոչ միայն սպորտում, այլև՝ կյանքում:

Շատ եմ ցավում, որ նման լավ մարդն այսքան շուտ հեռացավ մեզնից: Վստահ եմ՝ նա դեռ շատ օգտակար բան կարող էր տալ մեզ բոլորիս: Ցավակցում եմ Խաբիբ Նուրմագոմեդովին և ամբողջ մեծ ընտանիքին»,- գրել է Միհրան Հարությունյանը:

Աբդուլմանապ Նուրմագոմեդովի մահվան մասին հայտնի է դարձել հուլիսի 3-ին: Մայիսի 13-ին Աբդուլմանապ Նուրմագոմեդովը գլխուղեղի կաթված էր ստացել և տեղափոխվել հիվանդանոց: Նուրմագոմեդովն ուներ նաև թոքաբորբ, որն առաջացել էր կորոնավիրուսից։ Բժիշկները նրան միացրել էին թոքերի օդափոխության սարքին:

View this post on Instagram

A post shared by Migran Arutyunyan(@maestro_migran) on Jul 4, 2020 at 12:05am PDT