Կատալոնական «Բարսելոնայի» և Արգենտինայի ազգային հավաքականի հարձակվող Լիոնել Մեսին 2021 թվականի ամռանը կարող է տեղափոխվել անգլիական «Մանչեսթեր Սիթի», տեղեկացնում է Fox Sports-ը:
Արգենտինացի ֆուտբոլիստը դժգոհ է ակումբի ղեկավարության մեթոդներից եւ խոսակցություններից, որ ինքն է թիմում վատ մթնոլորտի ու տարաձայնությունների պատճառը։
33-ամյա Մեսին դժգոհ է նաեւ «Բարսելոնայի» տրանսֆերային քաղաքականությունից, որի հետեւանքով կազմը չի համալրվում ուժեղ եւ երիտասարդ խաղացողներով։
Մեսիի գործող պայմանագիրը նախատեսված է մինչեւ հաջորդ մրցաշրջանի ավարտը։
Ընթացիկ մրցաշրջանում նա «Բարսելոնայի» հետ մասնակցել է 37 հանդիպման, խփել 27 գոլ, կատարել 22 գոլային փոխանցում։ Նա խփել է նաեւ կարիերայի 700-րդ գոլը ակումբում եւ հավաքականում։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։