«Մանչեսթեր Սիթին» ու «Մանչեսթեր Յունայթեդը» ցանկանում են ձեռք բերել Գրիզմանին
16:50 3 հուլիսի, 2020Անգլիական «Մանչեսթեր Սիթին» ու «Մանչեսթեր Յունայթեդը» ցանկանում են ձեռք բերել Իսպանիայի չեմպիոն «Բարսելոնայի» եւ աշխարհի չեմպիոն Ֆրանսիայի հավաքականի հարձակվող Անտուան Գրիզմանին, հաղորդում է Mundo Deportivo-ն։
Մանչեսթերյան ակումբներն արդեն հարցումներ են արել 29-ամյա ֆուտբոլիստի տրանսֆերի հնարավորության վերաբերյալ։ Կատալոնական ակումբի ղեկավարությունը մտադիր է առաջիկա տրանսֆերային պատուհանի ժամանակ վաճառել Գրիզմանին, որին ձեռք է բերել 2019թ․ ամռանը Մադրիդի «Աթլետիկոյից» 120 միլիոն եվրոյով։ Նրա պայմանագիրը նախատեսված է մինչեւ 2024թ․ հունիսի 30-ը։
«Բարսելոնան» Գրիզմանի տրանսֆերն առաջարկել է ՊՍԺ-ին եւ «Ինտերին», որոնց հետ ցանկանում է ֆուտբոլիստների փոխանակություն կատարել՝ բրազիլացի Նեյմարի (ՊՍԺ) կամ արգենտինացի Լաուտարո Մարտինեսի («Ինտեր») հետ։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.