Սերգեյ Մովսեսյան. Հավաքականի կազմն առանց ինձ եւս շատ ուժեղ էր, բայց ինձնով մի քիչ ավելի ուժեղացանք

14:38   12 սեպտեմբերի, 2012

Շախմատի Հայաստանի հավաքականի կազմում առաջին անգամ Համաշխարհային օլիմպիադայի չեմպիոն հռչակվեց թիմի երկրորդ համար Սերգեյ Մովսեսյանը։ Նա Հայաստանի հավաքականի կազմում հռչկավել էր նաեւ աշխարհի թիմային չեմպիոն։ NEWS.am Sport-ի թղթակիցը ճեպազրույց է ունեցել Սերգեյ Մովսեսյանի հետ։

Սերգեյ, հավաքականում Ձեր ընդգրկվելուց հետո, թիմն ավելի՞ է ուժեղացել։

Շատ դժվար հարց է։ Կարծում եմ, որ հավաքականի կազմն առանց ինձ եւս շատ ուժեղ էր, բայց ինձնով մի քիչ ավելի ուժեղացանք: Մենք մեզ առանձին չենք հաշվում՝ ով է ավելի ուժեղ, ով ավելի թույլ։ Մենք աշխատում ենք որպես թիմ եւ մեր հիմնական ուժը դրա մեջ է:

Անհատական մրցաշարերում Լեւոն Արոնյանից բացի մեր հավաքականի շախմատիստները հազվադեպ են տիտղոսներ նվաճում։ Սակայն թիմում ամեն ինչ այլ կերպ է ստացվում։ Ո՞րն է պատճառը։

Երեւի դա է հիմնական տարբերությունը, ինչպես Գաբրիել Սարգսյանը նշեց՝ իր անհատական արդյուքններն այդքան բարձր չեն, ինձ մոտ էլ է այդպես։ Մենք երեւի միասին ուժեղանում ենք։ Շատ մեծ հաճույք ենք ստանում միասին թիմում խաղալուց։ Կարող է՝ դա էլ է պատճառը:

Շատ են նայում անհատական արդյուքններին, եւ կարծում են, թե չորս ուժեղ խաղացող նստած են միասին՝ պետք է անպայման լավ արդյունքի հասնեն մյուս հավաքականներում, բայց թիմայն ոգին շատ կարեւոր է, եւ մեր հավաքականը շատ լավ է ապացուցում դա:



© 2020 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։