Զիդան․ Հույս ունենք, որ Մեսին կմնա «Բարսելոնայում»

Մադրիդի «Ռեալի» ֆրանսիացի գլխավոր մարզիչ Զինեդին Զիդանը լրագրողների խնդրանքով մեկնաբանել է իսպանական մամուլի չհաստատված տեղեկությունները, թե արգենտինացի հարձակվող Լիոնել Մեսին որոշել է 2021թ․ ամռանը հեռանալ «Բարսելոնայից»։

«Չգիտեմ՝ ինչ տեղի կունենա, բայց մենք հույս ունենք, որ Մեսին կմնա «Բարսելոնայում», քանի որ նա խաղում է մեր առաջնությունում, իսկ մենք ցանկանում ենք, որ այստեղ խաղան լավագույնները»,- Զիդանի խոսքը մեջբերում է Goal.com-ը։

Իսպանիայի ընթացիկ առաջնությունում 33-ամյա Մեսին մասնակցել է 28 հանդիպման, խփել 22 գոլ, կատարել 18 գոլային փոխանցում։