Գվարդիոլան ցանկանում է «Մանչեսթեր Սիթիում» տեսնել Կուլիբալիին եւ Ալաբային

17:12   2 հուլիսի, 2020

Անգլիական «Մանչեսթեր Սիթիի» կատալոնացի գլխավոր մարզիչ Խոսեպ Գվարդիոլան ցանկանում է վերակառուցում սկսել թիմում։

Մտադրությունների իրականացումը նա ցանկանում է սկսել պաշտպանությունից։ Գվարդիոլան ակումբի ղեկավարությանը խնդրել է առաջիկա տրանսֆերային պատուհանի ընթացքում աշխատել Գերմանիայի չեմպիոն «Բավարիայի» պաշտպան Դավիդ Ալաբայի եւ իտալական «Նապոլիի» պաշտպան Կալիդու Կուլիբալիի տեղափոխությունների ուղղությամբ, հաղորդում է բրիտանական The Guardian-ը։ «Նապոլին» Կուլիբալիի տրանսֆերից ակնկալում է մոտ 100 միլիոն եվրո։

«Մանչեսթեր Սիթին» ցանկանում է Ալաբայի տրանսֆերը ներառել գերմանացի հարձակվող Լերոյ Սանեի տեղափոխության գործարքում։ Գերմանիայի հավաքականի ֆուտբոլիստը հրաժարվել է երկարաձգել պայմանագիրը մանչեսթերյան ակումբի հետ եւ կտեղափոխվի «Բավարիա»։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։