Անգլիական «Լիվերպուլի» և Սենեգալի ազգային հավաքականի հարձակվող Սադիո Մանեն, ամենայն հավանականությամբ, չի տեղափոխվի Մադրիդի «Ռեալ», տեղեկացնում է Daily Mail-ը:
Արքայական ակումբը 2 պատճառով է հրաժարվել 28-ամյա հարձակվողին ձեռք բերելու մտքից: «Ռեալը» համարում է, որ «Լիվերպուլը» կորոնավիրուսի համավարակի հետևանքով ստեղծված ճգնաժամի պայմաններում չափից մեծ գումար է պահանջում Մանեի դիմաց:
«Ռեալը» նաև չի կարողացել համաձայնության գալ Մանեի հետ նրա անձնական պայմանագրի կետերի հարցում: Ֆուտբոլիստի պահանջած աշխատավարձի չափն ընդունելի չի եղել «Ռեալի» ղեկավարության համար:
Սադիո Մանեի տեղափոխությամբ շահագրգռված էր անձամբ Արքայական ակումբի գլխավոր մարզիչ Զինեդին Զիդանը:
Ընթացիկ մրցաշրջանում բոլոր ակումբային մրցաշարերում Մանեն մասնակցել է 40 հանդիպման, խփել 19 գոլ, կատարել 12 գոլային փոխանցում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։