Վլադիմիր Հակոբյան. Միտք կա այլեւս չխաղալ օլիմպիադայում

13:32   12 սեպտեմբերի, 2012

Դեռ կմատծեմ հաջորդ օլիմպիադայում խաղալու մասին, ամեն դեպքում միտք կա այլեւս չխաղալ, հայտարարեց օլիմպիադաների եռակի չեմպիոն, Հայաստանի հավաքականի երրորդ համար Վլադիմիր Հակոբյանը այս պահին Տիգրան Պետրոսյանի անվան շախմատիստի տանն ընթացող մամուլի ասուլիսում։

«Բոլոր հաղթանակները թանկ են, ամեն տեղ շատ լարված պայքար է ընթանում, ամեն մեկը շատ թանկարժեք է եւ ինձ համար, եւ բոլոր տղաների համար, որովհետեւ ամեն տեղ ամեն ինչ արվել է թիմի համար:

Վերջնական դեռ չեմ որոշել, արդեն եռակի չեմպիոն եմ, կուզենայի դուրս գալ օլիմպիադիայից որպես հաղթող, նաեւ թիմն է շատ սիրուն, աշխարհի առաջնությունում հաստատ կխաղամ, շատ հետաքրքիր է։ Դեռ կմատծեմ հաջորդ օլիմպիադայում խաղալու մասին, ամեն դեպքում միտք կա այլեւս չխաղալ»,- հայտարարեց Վլադիմիր Հակոբյանը։

«Երբ հաշվարկ կատարվեց եւ պարզվեց, որ Հայասանի թիմը դարձել է օլիմպիական չեմպիոն, ես գիտեմ՝ մի քանի ժամ թուրքական մամուլը չէր ցանկանում դա գրեր, նշեր։ Ինչքան գիտեմ մեկ թերթում է գրված եղել։ Արդեն արարողության ժամանակ հնչեց մեր հիմնը, բարձրացվեց եռագույնը»,- ասաց հավաքականի գլխավոր մարզիչ Արշակ Պետրոսյանը:

Թուրքիայում Օլիմպիադայի ժամանակ եղած մթնոլորտի մասին Հայաստանի շախմատի ֆեդերացիայի քարտուղար Գագիկ Հովհաննիսյանը նշեց.

«Վերաբերմունքը վատ չէր, որեւէ վատ վերաբերմունք չենք տեսել, նորմալ վերաբերմունք էր կազմակերպիչների կողմից։ Արտակարգ էր արձագանքը հայկական համայնքի կողմից, անչափ ոգեւորված էին, այդպիսի բան չէր եղել»:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։