«Բենֆիկան» հեռացրեց գլխավոր մարզիչին

Պորտուգալական «Բենֆիկան» գլխավոր մարզիչի պաշտոնից հեռացրեց 44-ամյա պորտուգալացի Բրունու Լաժեին, հայտնում է ակումբի մամուլի ծառայությունը։ Պայմանագիրը խզվել է փոխադարձ համաձայնությամբ։

Պորտուգալիայի առաջնության նախորդ տուրում «Բենֆիկան» 0։2 հաշվով պարտվել է «Մարիտիմուին» եւ չեմպիոնական մրցավազքում արդեն 6 միավոր հետ է առաջատար «Պորտուից»։

«Բենֆիկան» Բրունու Լաժեի ղեկավարությամբ անցած տարի նվաճել է Պորտուգալիայի չեմպիոնի կոչումն ու սուպերգավաթը։

«Բենֆիկան» բանակցում է Լոնդոնի «Տոտենհեմի» նախկին գլխավոր մարզիչ, արգենտինացի Մաուրիսիո Պոչետինոյի հետ։