«Մանչեսթեր Յունայթեդը» 55 միլիոն եվրո է առաջարկում Սանչոյի համար, «Բորուսիան» ակնկալում է 110 միլիոն
17:12 30 հունիսի, 2020Անգլիական «Մանչեսթեր Յունայթեդը» ցանկանում է ձեռք բերել Դորտմունդի «Բորուսիայի» կիսապաշտպան Ջեյդոն Սանչոյին, սակայն այդ տրանսֆերի համար կարող է հատկացնել 55 միլիոն եվրո։ Գերմանական ակումբն Անգլիայի հավաքականի 20-ամյա ֆուտբոլիստի տրանսֆերից ակնկալում է 110 միլիոն եվրո, հաղորդում է Sky Sports-ը։
«Բորուսիայի» ղեկավարությունը չի ցանկանում զիջումների գնալ եւ հույս ունի մեկ մրցաշրջան էլ ակումբում պահել հեռանկարային ֆուտբոլիստին։
Սանչոն 2017-ին է 8 միլիոն եվրոյի դիմաց տեղափոխվել «Բորուսիա» անգլիական «Մանչեսթեր Սիթիից»։ Ընթացիկ մրցաշրջանում նա մասնակցել է 44 հանդիպման, խփել 20 գոլ, կատարել նույնքան գոլային փոխանցում։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։