Արթուր Մելոն կտեղափոխվի «Յուվենտուս», Միրալեմ Պյանիչը՝ «Բարսելոնա»

09:05   29 հունիսի, 2020

Իսպանիայի չեմպիոն «Բարսելոնայի» բրազիլացի կիսապաշտպան Արթուր Մելոն կարիերան կշարունակի Իտալիայի չեմպիոն «Յուվենտուսում»։ 23-ամյա ֆուտբոլիստը 5 տարվա պայմանագիր է կնքել թուրինյան ակումբի հետ, հաղորդում է Goal.com-ը։

Նույն գործարքով «Յուվենտուսից» «Բարսելոնա» կտեղափոխվի 30-ամյա բոսնիացի կիսապաշտպան Միրալեմ Պյանիչը։ Ֆուտբոլիստները բուժզննում են անցել նոր ակումբների համար։

«Յուվենտուսը» «Բարսելոնային» կվճարի 10 միլիոն եվրո։ Ֆուտբոլիստները նոր թիմերին կմիանան մրցաշրջանի ավարտից հետո։

Արթուր Մելոն 2018թ․ ամռանն է բրազիլական «Գրեմիոյից» տեղափոխվել «Բարսելոնա», որը նրա համար վճարել է 31 միլիոն եվրո։

«Յուվենտուսը» Պյանիչին գնել է 2016թ․ ամռանը «Ռոմայից» 32 միլիոն եվրոյով։



© 2020 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։