«Չելսին» հաղթեց «Լեսթեր Սիթիին» եւ դուրս եկավ կիսաեզրափակիչ

20:50   28 հունիսի, 2020

Լոնդոնի «Չելսին» դուրս եկավ ֆուտբոլի Անգլիայի գավաթի խաղարկության կիսաեզրափակիչ։ Անգլիացի Ֆրենկ Լեմպարդի գլխավորած թիմը մրցակցի խաղադաշտում հանդիպեց «Լեսթեր Սիթիի» հետ եւ հաղթանակ տարավ նվազագույն հաշվով։

63-րդ րոպեին անգլիացի կիսապաշտպան Ռոս Բարքլին բրազիլացի հարձակվող Վիլիանի փոխանցումից հետո գրավեց դանիացի Կասպեր Շմեյխելի պաշտպանած դարպասը։

Հիշեցնենք, որ կիսաեզրափակիչի ուղեգրեր նվաճել են նաեւ «Մանչեսթեր Յունայթեդն» ու «Արսենալը»։

Վերջին ուղեգիրը կվիճարկեն «Նյուքասլ Յունայթեդն» ու «Մանչեսթեր Սիթին»։

Անգլիայի գավաթի խաղարկություն, քառորդ եզրափակիչ

«Լեսթեր Սիթի» - «Չելսի»՝ 0։1

Ռոս Բարքլի, 63

«Նյուքասլ Յունայթեդ» - «Մանչեսթեր Սիթի»՝ 21։30 (Երեւանի ժամանակ)



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։