Պորյեն Գեթժիին հուշել է Նուրմագոմեդովին հաղթելու միակ եղանակը
18:33 24 հունիսի, 2020Խառը մենամարտերի թեթև քաշային կարգում ամերիկացի մարզիկ Դասթին Պորյեն խոսել է թեթև քաշային կարգում չեմպիոն, ռուսաստանցի Խաբիբ Նուրմագոմեդովի և ժամանակավոր չեմպիոն, ամերիկացի Ջասթին Գեթժիի սպասվող մենամարտի մասին:
«Մենամարտի արդյունքը կախված կլինի նրանից, թե ինչ աշխատանք կկատարի Գեթժին ոտքերով: Եթե նա կարողանա հեռու մնալ ցանցից և մենամարտը պահել կենտրոնում, ապա շատ լուրջ խնդիրներ կստեղծի Նուրմագոմեդովի համար:
Ես իմ փորձից գիտեմ, որ եթե Խաբիբին հաջողվի Գեթժիին մոտեցնել ցանցին և հայտնվել նրա հետևում, ապա շատ դժվար կլինի խուսափել պարտությունից»,- Պորյեի խոսքը փոխանցում է MMA Fighting-ը:
Հիշեցնենք, որ Դասթին Պորյեն և Խաբիբ Նուրմագոմեդովը մենամարտել են 2019 թվականի սեպտեմբերին: Ռուսաստանցի մարզիկը հաղթանակ է տարել խեղդող հնարքով:
Նախնական տեղեկություններով՝ Ջասթին Գեթժիի և Խաբիբ Նուրմագոմեդովի մենամարտը տեղի կունենա ընթացիկ տարվա սեպտեմբերին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։