Անչելոտի. «Էվերտոնն» ավելի մոտ էր հաղթանակին

Անգլիական «Էվերտոնի» գլխավոր մարզիչ Կառլո Անչելոտին մեկնաբանել է Պրեմյեր լիգայի 30-րդ տուրի «Լիվերպուլի» դեմ հանդիպման արդյունքը:

«Հանդիպումը շատ դժվար ստացվեց, սակայն անկեղծ լինելու համար պետք է ասեմ, որ մենք ավելի մոտ էինք հաղթանակին, քան «Լիվերպուլը»:

«Լիվերպուլը» վերահսկում էր գնդակը, սակայն մենք կարողանում էինք սուր հակագրոհներ ձեռնարկել ու վտանգավոր պահեր ստեղծել»,- Անչելոտիի խոսքը մեջբերում է BBC-ն:

Հիշեցնենք, որ «Էվերտոն» - «Լիվերպուլ» հանդիպումն ավարտվեց գոլազուրկ ոչ ոքի՝ 0:0 հաշվով:

30-րդ տուրից հետո «Լիվերպուլը» 83 միավորով կշարունակի գլխավորել մրցաշարային աղյուսակը: «Էվերտոնը» ունի 38 միավոր և 12-րդ տեղում է: