«Բարսելոնան» ցանկանում է «Աթլետիկոյի» հետ տնային հանդիպումն անցկացնել հանդիսականների ներկայությամբ
22:27 21 հունիսի, 2020Իսպանիայի առաջնության 33-րդ տուրի կենտրոնական՝ «Բարսելոնա» - «Աթլետիկո Մադրիդ» հանդիպումը կարող է անցկացվել հանդիսականների ներկայությամբ, տեղեկացնում է Mundo Deportivo-ն:
Աղբյուրի հաղորդմամբ՝ «Բարսելոնան» «Կամպ Նոու» ստադիոնի դռները ֆանատների առաջ բացելու թույլտվություն ստանալու նպատակով առաջիկա օրերին կդիմի քաղաքային իշխանություններին:
«Բարսելոնան» մտադիր է 100 հազար հնարավորից վաճառքի հանել «Աթլետիկոյի» դեմ խաղի 35 հազար տոմս, որպեսզի ստադիոնում ֆանատները հնարավորինս հեռու լինեն միմյանցից և պահպանեն հակահամաճարակային կանոնները:
Նշենք, որ «Բարսելոնա» - «Աթլետիկո Մադրիդ» հանդիպումը տեղի կունենա հուլիսի 1-ին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։