«Նապոլին» հաղթեց «Յուվենտուսին» եւ 6-րդ անգամ նվաճեց Իտալիայի գավաթը (ֆոտո)

01:09   18 հունիսի, 2020

«Նապոլին» 6-րդ անգամ նվաճեց ֆուտբոլի Իտալիայի գավաթը՝ հաղթելով Թուրինի «Յուվենտուսին»։

Հռոմի «Օլիմպիական» ստադիոնում առանց հանդիսականների տեղի ունեցած եզրափակիչում նեապոլյան թիմն առավելության հասավ հետխաղյա 11 մետրանոցների արդյունքում՝ 4։2։ 

«Յուվենտուսից» առաջինը մոտեցավ Պաուլո Դիբալան, որի հարվածից հետո սեյվ կատարեց դարպասապահ Ալեքս Մերետը։

«Նապոլիից» Լորենցո Ինսինյեն արդյունավետ իրացրեց 11 մետրանոցը, իսկ «Յուվենտուսի» երկրորդ հարվածը ձախողեց Դանիլոն։

«Նապոլիից» Մատեո Պոլիտանոն, Նիկոլա Մաքսիմովիչը եւ Արկադիուշ Միլիկը եւս գրավեցին մրցակցի դարպասը։

«Յուվենտուսից» Լեոնարդո Բոնուչին  ու Աարոն Ռեմսին վտահ իրացրին հարվածները։

Հիմնական ժամանակն ավարտվել էր 0։0 հաշվով։

Իտալիայի գավաթ, եզրափակիչ

«Նապոլի» - «Յուվենտուս»՝ 0։0 (11մ՝ 4։2)



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.