ՈւԵՖԱ-ն հունիսի 17-ին որոշում կընդունի Չեմպիոնների լիգայի ու Եվրոպայի լիգայի վերսկսման վերաբերյալ
12:17 17 հունիսի, 2020ՈւԵՖԱ-ի գործադիր կոմիտեն հունիսի 17-ին և 18-ին կանցկացնի կազմակերպության գործադիր կոմիտեի նիստ, տեղեկացնում է ՈւԵՖԱ-ի մամուլի ծառայությունը:
Նիստի օրակարգում ընդգրկված են կորոնավիրուսի պանդեմիայի պատճառով դադարեցված եվրագավաթային մրցաշարերի վերսկսման, Եվրո-2021-ի նախապատրաստական աշխատանքների, 2022 թվականի աշխարհի առաջնության նախապատրաստական աշխատանքների և պանդեմիայի հետևանքով ակումբների ֆինանսական կորուստների վերաբերյալ հարցեր:
Սպասվում է, որ հունիսի 17-ի երեկոյան ՈւԵՖԱ-ն պաշտոնապես կհայտարարի Չեմպիոնների լիգայի ու Եվրոպայի լիգայի վերսկսման ժամկետը:
Ավելի վաղ հայտնի էր դարձել, որ Չեմպիոնների լիգայի փլեյ-օֆֆ փուլի մնացած բոլոր հանդիպումները կանցկացվեն Պորտուգալիայի մայրաքաղաք Լիսաբոնում, իսկ Եվրոպայի լիգայի հանդիպումները՝ Գերմանիայի քաղաքներից մեկում: Եվրոպայի Սուպերգավաթը կվիճարկվի Հունգարիայի մայրաքաղաք Բուդապեշտում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։