«Բավարիան» 30-րդ անգամ հռչակվեց Գերմանիայի չեմպիոն

Մյունխենի «Բավարիան» 30-րդ անգամ նվաճեց ֆուտբոլի Գերմանիայի չեմպիոնի տիտղոսը՝ 8-րդ տարին անընդմեջ։

Բունդեսլիգայի 32-րդ տուրում գերմանացի Հանս-Դիտեր Ֆլիկի գլխավորած թիմը Բրեմենում մրցեց «Վերդերի» հետ եւ հաղթանակ տարավ նվազագույն հաշվով։

43-րդ րոպեին գերմանացի պաշտպան Ժերոմ Բոատենգի փոխանցումից հետո աչքի ընկավ լեհ հարձակվող Ռոբերտ Լեւանդովսկին։

«Բավարիան» 76 միավորով անհասանելի դարձավ երկրորդ տեղում ընթացող Դորտմունդի «Բորուսիայի» համար, որը 31 խաղից հետո ունի 66 միավոր։  

Գերմանիայի առաջնություն, 32-րդ տուր

«Վերդեր» - «Բավարիա»՝ 0։1 (տեսանյութ)

Ռոբերտ Լեւանդովսկի, 43

Հեռացում՝ Ալֆոնսո Դեւիս («Բավարիա»), 79, երկրորդ դեղին քարտ

We did it together #MEI8TER #MiaSanMia pic.twitter.com/SCgCynpB5E

— FC Bayern English (@FCBayernEN) June 16, 2020