US Open-ը կանցկացվի առանց հանդիսականների

22:52   16 հունիսի, 2020

Թենիսի ԱՄՆ-ի բաց առաջնությունը կանցկացվի նախատեսված ժամկետում, սակայն առանց հանդիսականների։ Այդ մասին հայտնել է Նյու Յորքի նահանգապետ Էնդրյու Կուոմոն։ Մրցաշարը տեղի կունենա օգոստոսի 31-ից սեպտեմբերի 13-ը Նյու Յորք քաղաքում։

«Կազմակերպիչները կձեռնարկեն անվտանգության ոչ սովորական միջոցառումներ, որպեսզի խաղացողներն ու աշխատակիցները լինեն պաշտպանված։ Կանցկացվի կորոնավիրուսային թեստավորում, մշտական ախտահանում։ Հանդերձարանները կընդլայնվեն, կկազմակերպվեն խաղացողների կեցավայրեր, կառանձնացվի տրասնպորտ»,- գրել է Կուոմոն Թվիթերում։

Կորոնավիրուսի պանդեմիայի հետեւանքով դիտարկվում էր US Open-ի չեղարկումը կամ հետաձգումը։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։