Իտալիայի գավաթ․ «Յուվենտուսը» եզրափակիչում է

00:58   13 հունիսի, 2020

«Յուվենտուսը» դուրս եկավ ֆուտբոլի Իտալիայի գավաթի խաղարկության եզրափակիչ՝ պայքարից դուրս թողնելով «Միլանին»։

Իտալիայում վերսկսվեց կորոնավիրուսի պանդեմիայի հետեւանքով դադարեցված ֆուտբոլային մրցաշրջանը։

Գավաթի խաղարկության կիսաեզրափակիչի պատասխան խաղում Թուրինի «Յուվենտուսը» «Միլանի» հետ մրցեց տանը։ Դարպասի գրավում չգրանցվեց՝ 0։0։

16-րդ րոպեին մրցակցի ձեռքով խաղի շնորհիվ 11 մետրանոցի իրավունս ստացավ «Յուվենտուսը», սակայն պորտուգալացի հարձակվող Կրիշտիանու Ռոնալդուն հարվածեց դարպասաձողին։ Դրանից անմիջապես հետո վտանգավոր խաղի համար կամիր քարտ ստացավ «Միլանի» խորվաթ հարձակվող Անտե Ռեբիչը։

Միլանում 1։1 հաշվով խաղալու շնորհիվ «Յուվենտուսը» եզրափակիչում է եւ կսպասի «Նապոլի» - «Ինտեր» դիմակայության հաղթողին։ Առաջին խաղում 1։0 հաշվով հաղթել է «Նապոլին»։

Իտալիայի գավաթ, կիսաեզրափակիչ, պատասխան խաղ

«Յուվենտուս» - «Միլան»՝ 0։0 (տեսանյութ), (առաջին խաղ՝ 1։1)

Չիրացրած 11մ՝ Կրիշտիանու Ռոնալդու («Յուվենտուս»), 16

Հեռացում՝ Անտե Ռեբիչ («Միլան»), 16

 



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.