«Յուվենտուս» - «Միլան»․ Բուքմեյքերների կանխատեսումը

Ֆուտբոլի Իտալիայի գավաթի խաղարկությունում հունիսի 12-ին տեղի կունենա կիսաեզրափակիչի «Յուվենտուս» - «Միլան» պատասխան հանդիպումը։ Բուքմեյքերները կանխատեսում են թուրինյան ակումբի հաղթանակը՝ 1․60 գործակից։ «Միլանի» հաղթանակի հավանականությունը գնահատվում է 5․50, ոչ ոքին՝ 4․00։

Եզրափակիչ դուրս գալու «Յուվենտուսի» գործակիցը 1․30 է, «Միլանինը»՝ 3․50։

Կորոնավիրուսի պանդեմիայի հետեւանքով դադարեցված մրցաշրջանի վերսկսումից հետո Իտալիայի ֆուտբոլի ֆեդերացիան որոշել է գավաթի խաղարկության կիսաեզրափակիչի պատասխան խաղերում լրացուցիչ ժամանակ չնշանակել, ոչ ոքիի դեպքում, նշանակել 11 մետրանոց հարվածաշար։

«Միլան» - «Յուվենտուս» առաջին հանդիպումն ավարտվել է 1։1 հաշվով։

«Յուվենտուս» - «Միլան» պատասխան խաղը կմեկնարկի Երեւանի ժամանակով 23։00-ին։

Մինչեւ մրցաշրջանի ավարտը բոլոր հանդիպումներն անցկացվելու են առանց հանդիսականների։