«Արարատ-Արմենիան» ուժեղ էր «Արարատից»՝ 4։2

Ֆուտբոլի Հայաստանի առաջնության չեմպիոնական խմբում 22-րդ տուրի հանդիպումն անցկացրին առաջատար «Արարատ-Արմենիան» եւ «Արարատը»։ 4։2 հաշվով հաղթանակ տարան «Արարատ-Արմենիայի» ֆուտբոլիստները։

Ուկրաինացի կիսապաշտպան Սերգեյ Վակուլենկոն, ֆրանսիացի հարձակվող Յոան Գուֆրանը եւ Հոլանդիան ներկայացնող հարձակվող Մաիլսոն Լիման (դուբլ) աչքի ընկան Վարդան Մինասյանի գլխավորած թիմում։

«Արարատից» գոլ խփեցին ուկրաինացի կիսապաշտպան Դենիս Դեդեչկոն եւ ֆրանսիացի պաշտպան Տոմա Ֆիբելը։

«Արարատ-Արմենիան» 44 միավորով գլխավորում է մրցաշարային աղյուսակը եւ 8 միավորի առավելություն ունի երկրորդ տեղում ընթացող Գյումրիի «Շիրակի» նկատմամբ։ «Արարատը» 6-րդն է՝ 32 միավոր։

Հայաստանի առաջնություն, 22-րդ տուր

«Արարատ-Արմենիա» - «Արարատ»՝ 4։2

Սերգեյ Վակուլենկո, 22, Յոան Գուֆրան, 44, Մաիլսոն Լիմա, 51, 11մ, 90+6, 11մ – Դենիս Դեդեչկո, 11, Տոմա Ֆիբել, 55