Նուրմագոմեդովի հոր առողջական վիճակում դրական շարժ է նկատվում
16:18 10 հունիսի, 2020Խառը մենամարտերի թեթև քաշային կարգում UFC չեմպիոն, ռուսաստանցի Խաբիբ Նուրմագոմեդովի հոր՝ Աբդուլմանապ Նուրմագոմեդովի առողջական վիճակում բժիշկները դրական շարժ են նկատում: Այս մասին տեղեկացրել է Խաբիբի մենեջեր Ալի Աբդել-Ազիզը:
«Խաբիբն իրեն ամուր է զգում, նրա ընտանիքը նույնպես: Աբդուլմանապի առողջական վիճակում դրական շարժ է նկատվում: Նա հզոր մարդ է և կկարողանա դուրս գալ այս վիճակից»,- Ալի Աբդել-Ազիզի խոսքը փոխանցում է ESPN-ը:
Մայիսի 13-ին Աբդուլմանապ Նուրմագոմեդովը գլխուղեղի կաթված էր ստացել և տեղափոխվել հիվանդանոց: 57-ամյա Նուրմագոմեդովն ուներ նաև թոքաբորբ, բժիշկները նրան միացրել էին թոքերի օդափոխության սարքին:
Ավելի վաղ Խաբիբ Նուրմագոմեդովը տեսաուղերձով դիմել էր իր հայրենակիցներին և կոչ արել լուրջ վերաբերվել կորոնավիրուսին ու պահպանել բժիշկների ցուցումները:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։