Նուրմագոմեդովի մենեջերը հայտնել է Գեթժիի հետ մենամարտի նախնական ժամկետը
16:50 9 հունիսի, 2020Խառը մենամարտերի թեթև քաշային կարգում UFC չեմպիոն Խաբիբ Նուրմագոմեդովի մենեջեր Ռիզվան Մագոմեդովը նշել է՝ երբ է նախատեսված անցկացնել ռուսաստանցի մարզիկի մենամարտը թեթև քաշային կարգում ժամանակավոր չեմպիոն, ամերիկացի Ջասթին Գեթժիի հետ:
«Մենամարտը, ամենայն հավանականությամբ, տեղի կունենա սեպտեմբերին: Մենամարտի անցկացման վայրի և հստակ ժամկետի մասին դեռևս որևէ տեղեկություն չկա:
Խաբիբը մենամարտելու է Գեթժիի հետ: Բացառված է, որ վերջին պահին տեղի ունենա մրցակցի փոփոխություն»,- Մագոմեդովի խոսքը փոխանցում է ТАСС-ը:
Հիշեցնենք, որ UFC 249 մրցաշարում Ջասթին Գեթժին տեխնիկական նոկաուտով հաղթանակ տարավ իր հայրենակից Տոնի Ֆերգյուսոնի նկատմամբ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։