«Լիվերպուլն» ամռանը նոր ֆուտբոլիստներ ձեռք չի բերի
16:51 6 հունիսի, 2020Անգլիական «Լիվերպուլն» առաջիկա տրանսֆերային պատուհանի ընթացքում չի համալրի թիմի կազմը նոր ֆուտբոլիստներով, տեղեկացնում է BBC-ն:
«Լիվերպուլի» ղեկավարությունը կորոնավիրուսի պանդեմիայի հետևանքով առաջացած ֆինանսական դժվարությունների պատճառով հրաժարվել է այս տարի նոր ֆուտբոլիստներ ձեռք բերելու մտքից:
«Լիվերպուլը» հրաժարվել է նաև գերմանական «Լայպցիգի» և Գերմանիայի ազգային հավաքականի հարձակվող Տիմո Վերներին ձեռք բերելու մտքից: Ավելի վաղ «Լիվերպուլն» արդեն համաձայնության էր հասել 24-ամյա հարձակվողի հետ:
Տիմո Վերներն արդեն անձնական պայմանագրի կետերի հարցում համաձայնության է եկել անգլիական մեկ այլ ակումբի՝ «Չելսիի» հետ և առաջիկայում պայմանագիր կկնքի լոնդոնյան ակումբի հետ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։