Էրերա․ ՊՍԺ-ն իր աստղերին չի վաճառում
00:53 6 հունիսի, 2020Ֆրանսիայի չեմպիոն ՊՍԺ-ի կիսապաշտպան Անդեր Էրերան վստահ է, որ փարիզյան ակումբը չի վաճառի հարձակման առաջատարներ, բրազիլացի Նեյմարին եւ ֆրասիացի Կիլիան Մբապեին։
«Ֆուտբոլիստների տրանսֆերների մասին լուրերը շատ են, բայց ֆուտբոլիստները իրար հետ զրույցներում քիչ են դա քննարկում։ Ես խոսել եմ այդ թեմայով Մբապեի հետ եւ ասել, որ ՊՍԺ-ն իր աստղերին չի վաճառում։
Ակումբը տնտեսապես ուժեղ է եւ կարող է Նեյմարին էլ, Մբապեին էլ պահել։ Նրանք լավագույններն են աշխարհում։ Ես դեռ չորս տարվա պայմանագիր ունեմ ՊՍԺ-ում։ Հույս ունեմ, որ այդ ամբողջ ընթացքում կվայելեմ Նեյմարի եւ Մբապեի խաղը ՊՍԺ-ում»,- Էրերայի խոսքը մեջբերում է AS-ը։
30-ամյա ֆուտբոլիստն անգլիական «Մանչեսթեր Յունայթեդում» հինգ տարի անցկացնելուց հետո անցած ամռանն է միացել ՊՍԺ-ին։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։