Կատալոնական «Բարսելոնան» կորոնավիրուսի պանդեմիայի հետևանքով հայտնվել է բարդ ֆինանսական դրության մեջ, տեղեկացնում է ESPN-ը:
Աղբյուրի հաղորդմամբ՝ ակումբը բավարար ֆինանսական միջոցներ չունի առաջիկա տրանսֆերային պատուհանի ընթացքում նոր ֆուտբոլիստներ ձեռք բերելու համար: Միլանի «Ինտերի» արգենտինացի հարձակվող Լաուտարո Մարտինեսի տեղափոխությունը «Բարսելոնան» կիրականացնի բրազիլացի կիսապաշտպան Ֆիլիպե Կոուտինյոյի վաճառքից ստացվելիք գումարով:
Ավելի վաղ հայտնի էր դարձել, որ «Բարսելոնայի» ղեկավարությունը թիմի ֆուտբոլիստներին առաջարկել է կրճատել նրանց աշխատավարձը, սակայն ֆուտբոլիստները մերժել են ակումբի ղեկավարությանը:
Նշենք, որ «Բարսելոնան» մասնավոր բանկերին պարտք է ավելի քան 100 միլիոն եվրո:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։