Իսպանիայի չեմպիոն «Բարսելոնայի» եւ աշխարհի չեմպիոն Ֆրանսիայի հավաքականի հարձակվող Անտուան Գրիզմանը պատմել է նպատակների մասին։
«Լա Լիգայում եւ Չեմպիոնների լիգայում «Բարսելոնայի» հետ տիտղոսներն են իմ երազանքներն ու նպատակները։ Կա եւս մեկ աշխարհի առաջնություն Քաթարում։ Նպատակս է մասնակցել այդ առաջնությանը։ Դրանից հետո արդեն՝ ՄԼՍ։
Չգիտեմ, թե որ թիմը կլինի, բայց ես ցանկանում եմ խաղալ այդ լիգայում։ Իմ նպատակն է կարիերաս ավարտել ԱՄՆ-ում՝ լինել թիմի կարեւոր մաս, պայքարել տիտղոսի համար»,- Գրիզմանի խոսքը մեջբերում է latimes.com-ը։
29-ամյա ֆուտբոլիստն անցած ամռանն է Մադրիդի «Աթլետիկոյից» տեղափոխվել կատալոնական ակումբ։
Ընթացիկ մրցաշրջանում Գրիզմանը «Բարսելոնայի» հետ մասնակցել է 26 հանդիպման, խփել 8 գոլ։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։