Լեգենդար Ֆերնանդո Ալոնսոն կարող է վերադառնալ Ֆորմուլա-1

Ֆորմուլա-1-ի կրկնակի չեմպիոն, 38-ամյա իսպանացի Ֆերնանդո Ալոնսոն կարող է առաջիկայում վերադառնալ Ֆորմուլա-1, տեղեկացնում է F1Insider-ը:

Ֆերնանդո Ալոնսոն պատրաստ է փոխարինել գերմանացի Սեբաստիան Ֆետելին «Ֆերարիում», որը չի համաձայնել աշխատավարձի եռակի կրճատման և մտադիր չէ երկարաձգել պայմանագիրը, որն ավարտվում է այս տարի։ «Ֆերարին» պատրաստ է նրան վճարել միայն 12 միլիոն եվրո։ Ֆետելն այժմ ստանում է 36 միլիոն եվրո։

Ֆերնանդո Ալոնսոն «Ֆերարիում» հանդես է եկել 2010-2014 թվականներին՝ երեք անգամ դառնալով Ֆորմուլա-1-ի փոխչեմպիոն։ 2018 թվականի մրցաշրջանի ավարտից հետո Ալոնսոն հեռացել է Ֆորմուլա-1-ից։