Կատալոնական «Բարսելոնայի» և Ֆրանսիայի ազգային հավաքականի հարձակվող Ուսման Դեմբելեն մտածում է առաջիկա տրանսֆերային պատուհանի ընթացքում ակումբային գրանցումը փոխելու մասին:
Football Italia-ի հաղորդմամբ՝ Դեմբելեն կարծում է, որ Միլանի «Ինտերի» արգենտինացի հարձակվող Լաուտարո Մարտինեսի՝ «Բարսելոնա» տեղափոխությունից հետո նա վերջնականապես կկորցնի տեղը կատալոնական թիմի մեկնարկային կազմում:
Դեմբելեն այժմ քննարկում է Թուրինի «Յուվենտուս» տեղափոխվելու հնարավորությունը:
23-ամյա ֆրանսիացի ֆուտբոլիստին ձեռք բերելու ցանկություն ունեն նաեւ Լոնդոնի «Չելսին», «Մանչեսթեր Յունայթեդը» և Փարիզի ՊՍԺ-ն:
«Բարսելոնան» մտադիր է Դեմբելեի տրանսֆերից ստանալ առնվազն 55 միլիոն եվրո։ Նրա պայմանագիրը նախատեսված է մինչեւ 2022թ․ հունիսի 30-ը։
Դեմբելեն վնասվածքի պատճառով բաց է թողել մրցաշրջանի մեծ մասը։ Իսպանիայի առաջնությունում մասնակցել է հինգ հանդիպման, Չեմպիոնների լիգայում՝ չորս խաղի։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։