2018-ին «Լիվերպուլի» կիսապաշտպանը հրաժարվել է հանդիպել Ռամոսի հետ

12:49   3 հունիսի, 2020

Անգլիական «Լիվերպուլի» կիսապաշտպան Հարվի Էլիոտը 2018 թվականին Մադրիդի «Ռեալի» մարզաբազա այցելության ընթացքում հրաժարվել է հանդիպել Արքայական ակումբի ավագ Սերխիո Ռամոսի հետ, հայտնում է Give me Sport-ը:

2018 թվականին, երբ Էլիոտը հանդես էր գալիս անգլիական «Ֆուլհեմում», Մադրիդի «Ռեալի» մարզաբազայում էքսկուրսիայի հրավեր է ստացել: Այդ ընթացքում, երբ ֆուտբոլիստին առաջարկել են հանդիպել Սերխիո Ռամոսի հետ, նա հրաժարվել է՝ պատճառաբանելով, որ Ռամոսը Չեմպիոնների լիգայի եզրափակիչում ճիշտ պահվածք չի ցուցաբերել Մոհամեդ Սալահի նկատմամբ:

Հիշեցնենք, որ Չեմպիոնների լիգայի 2017/18 մրցաշրջանի եզրափակիչում Սերխիո Ռամոսը միտումնավոր վնասվածք էր հասցրել «Լիվերպուլի» հարձակվող Մոհամեդ Սալահին, որը չէր կարողացել շարունակել հանդիպումը: «Ռեալը» հաղթանակ էր տարել 3:1 հաշվով:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։