Պորյեն նշել է՝ ինչպես Գեթժին կարող է հաղթել Նուրմագոմեդովին
11:11 3 հունիսի, 2020Խառը մենամարտերի թեթև քաշային մարտիկ, ամերիկացի Դասթին Պորյեն կարծիք է հայտնել իր հայրենակից Ջասթին Գեթժիի և ռուսաստանցի Խաբիբ Նուրմագոմեդովի սպասվող մենամարտի վերաբերյալ:
«Ջասթինը հիանալի մարտիկ է և կարող է լուրջ խնդիրներ ստեղծել Նուրմագոմեդովի համար: Պետք չէ Խաբիբին համեմատել այլ մարտիկների հետ, քանի որ նա մենամարտում է այլ մարտավարությամբ:
Եթե Խաբիբը կարողանա Գեթժիին մոտեցնել ցանցին, ապա նրա հետ կվարվի այնպես, ինչպես սովորաբար վարվում է իր մրցակիցների հետ, սակայն եթե Գեթժին կարողանա մենամարտը պահել օկտագոնի կենտրոնում, կկարողանա հաղթանակ տանել»,- Պորյեի խոսքը մեջբերում է The Score-ը:
Սպասվում է, որ Խաբիբ Նուրմագոմեդովի և Ջասթին Գեթժիի մենամարտը տեղի կունենա աշնանը:
Դասթին Պորյեն Խաբիբ Նուրմագոմեդովի հետ մենամարտել է 2019 թվականի սեպտեմբերին: Ռուսաստանցի մարզիկը հաղթանակ է տարել խեղդող հնարքով:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։